ვის აქვს მიღებული ყველაზე მეტი წითელი ბარათი "ბარსელონას" ისტორიაში?

ევროპაში "ბარსელონა" ერთ-ერთ ყველაზე "სუფთად" მოთამაშე გუნდად ითვლება. თუმცა არიან ფეხბურთელები, რომელთაც კარიერის განმავლობაში წითელი ბარათი რამდენჯერმე მიუღიათ.

Marca გვთავაზობს "ბარსელონას" იმ რვა ფეხბურთელს, რომელიც მოედნიდან ყველაზე მეტჯერ გაუძევებიათ.

სიის სათავაში პეპ გვარდიოლა და ხრისტო სტოიჩკოვი არიან. მათ ანგარიშზე 8 წითელი ბარათია. შემდეგ მოდის ტიაგო მოტა, რომელმაც "ბლაუგრანას" მაისურით ჩატარებულ 96 შეხვედრაში თავი 7 გაძევებით გამოიჩინა. ბოლოს კი ერთბაშად 5 ფეხბურთელია: ჟერარ პიკე, მიგელ ანხელ ნადალი, ალბერტ ფერერი, რონალდ კუმანი და რაფაელ მარკესი. თითოეულს ექვს-ექვსი წითელი ბარათი აქვს მიღებული.

• პეპ გვარდიოლა
• ხრისტო სტოიჩკოვი
• ტიაგო მოტა
• ჟერარ პიკე
• მიგელ ანხელ ნადალი
• ალბერტ ფერერი
• რონალდ კუმანი
• რაფაელ მარკესი

ამ მხრივ, "ბარსელონას" მიმდინარე სეზონში ცუდი შედეგები აქვს. წელს "ბარსას" ფეხბურთელი მოედნიდან უკვე 5-ჯერ გააძევეს. მათ შორის, ყველაზე მეტჯერ კლემან ლანგლე (ორჯერ).