Sport: "ბარსელონა" სემედუს შემცვლელად ემერსონს განიხილავს

Sport-ის ინფორმაციით, "ბარსელონამ" ნესლონ სემედუს ფასი დაადო - კატალონიელები პორტუგალიელს 45 მილიონი ევროს სანაცვლოდ შეელევიან.

ხსენებული წყარო ასევე ირწმუნება, რომ "ბლაუგრანა" 26 წლის მცველის პოტენციურ შემცვლელად ემერსონს განიხილავს და მას დააკვირდება.

ემერსონ აპარესიდუ "ლურჯ-ბროწეულისფერთა" საკუთრებას წარმოადგენს, თუმცა აჟამად იჯარის წესით "ბეტისშია" განათხოვრებული. 

ამასთან, უნდა აღვნიშნოთ, რომ "ბარსას" სამწვრთნელო შტაბი ბრაზილიელ მარჯვენა მცველზე დიდ იმედებსაც არ ამყარებს. ფეხბურთელს შემოთავაზებები ინგლისიდან აქვს და მას კატალონიელები იმ შემთხვევაში გაყიდიან, თუ რომელიმე კლუბი 20 მილიონ ევროს გადაიხდის.

იმის გათვალისწინებით, რომ ფეხბურთელი "ბეტისში" 2021 წლამდე უნდა იყოს, "ბარსელონას" ხელშეკრულების გაწყვეტის შემთხვევაში, "თერთ მწვანეებისათვის" 6 მილიონი ევროს გადახდა მოუწევს.