ბოიან კრკიჩი: "ბარსელონა" საკუთარ იდეოლოგიას ღალატობს
"ბარსელონას" ყოფილი ამომავალი ვარსკვლავი და ამჟამად "მონრეალ იმპაქტში" მოთამაშე ბოიან კრკიჩი კატალონიურ კლუბს აკრიტიკებს.
"ბარსას" გეგმა ჰქონდა, ახლა ვურჩევ, რომ იმ ძველ კალაპოტს დაუბრუნდეს. "რეალს" აკადემიელთა გაყიდვა ყოველთვის ახასიათებდა, თუმცა "ბლაუგრანას" დიდებულებას სწორედ "ლა მასია" განაპირობებს.
ასე რომ არ იყოს, ლიონელ მესის, ჩავი ერნანდესისა და ანდრეს ინიესტას ხილვით ვერასდროს დავტკბებოდით. ხსენებული ფეხბურთელები არამარტო ერთი კლუბის, არამედ ზოგადად მსოფლიო სპორტის ისტორიის ნაწილნი არიან. ისინი 2010 წელს "ოქროს ბურთისათვის" ერთ სცენაზე იდგნენ და მსოფლიოს აჩვენებდნენ, რომ ჩვენ უნიკალურები ვართ.
არ ვამბობ, რომ სხვა მოთამაშეების შეძენა უნდა შეიზღუდოს. მაგალითად, ტრინკაუს გადაბირება სტრატეგიული ნაბიჯია. თუმცა, "ბარსას" მმართველები კითხვებს უპასუხოდ ტოვებენ. რა ხდება რიკი პუჩის თავს?! ანსუ ფატი კარიერას პირველ გუნდთან ერთად გააგრძელებს?!
ლუის სუარესის ტრავმის შემდეგ მარტინ ბრაითუეიტის შეძენა იმ მომენტს ჰგავდა, როდესაც სამუელ ეტო'ოს დაზიანების გამო მაქსი ლოპესი შეიძინეს. ამგვარი ქცევა სწორედ იმ ღირებულებებს ღალატობს, რამაც "ბარსელონას" დიდება მოუტანა", - ციტირებს ბოიანის სიტყვებს Sport.
ამ სიახლეზე კომენტარები გათიშულია.
კომენტარები [ 5 ]