ლუის ენრიკემ "ბარელონას" მადლობა გადაუხადა

"ბარსელონას" ყოფილმა მთავარმა მწვრთნელმა, ლუის ენრიკემ, კლუბს მილოცვისა და იუბილესადმი მიძღვნილი ვიდეოსთვის მადლობა გადაუხადა.

ესპანელი 50 წლის პარასკევს გახდა და "ბარსამ", მის საპატივსაცემოდ, ოფიციალური ტვიტერის გვერდზე 1997/98 წლებში გამართულ "ელ კლასიკოში" გატანილი გოლი გაიხსენა.

ენრიკემ ამის პასუხად საკუთარ გვერდზე დაწერა:

"ბარსელონაში" ყველაფერი განსხვავებული იყო. დიდი მადლობა ყველაფრისთვის, მუდამ "კულე"... გაუმარჯოს "ბარსას"! გაუმარჯოს კატალონიას!"

ლუის ენრიკე "ბარსელონას" მთავარი მწვრთნელის პოსტზე 2014-2017 წლებში იყო. ამ პერიოდში კლუბს შთამბეჭდავი შედეგები და პერფორმანსები ჰქონდა. 2014-15 წლების სეზონში გუნდმა 5 ტიტულის მოპოვება მოახერხა.