Marca: სამუელ უმტიტი რჩება

ბოლო პერიოდში სამეულ უმტიტის "ბარსელონადან" წასვლის შესახებ ბევრი ჭორი გავრცელდა. Marca-ს ინფორმაციით, შანსი, რომ მსოფლიოს ჩემპიონი კატალონიელთა რიგებს დატოვებს, 0-ის ტოლია.

ამის მთავარი მიზეზი კლუბის მთავარი მწვრთნელი, კიკე სეტიენია, რომელიც ფეხბურთელს სრულ ნდობას უცხადებს.

აქამდე უმტიტის ლაუტარო მარტინესის ტრანსფერში ჩართვას, "იუვენტუსში", "პარი სენ-ჟერმენში" ან "არსენალში" გადაბარგებას უწინასწარმეტყველებდნენ. თუმცა, მადრიდული წყარო ირწმუნება, რომ სამუელი "ბლაუგრანაში" სულ მცირე მომავალ სეზონშიც დარჩება.

შეგახსენებთ, რომ ფრანგი მცველი ამჟამად ტრავმას იშუშებს, რომელიც ვარჯიშის განახლებისას მიიღო.