გრიზმანი, შესაძლოა, ფრანგთა ძირითად შემადგენლობაში ვეღარ მოხვდეს

ფრანგმა ვეტერანმა ფეხბურთელმა, ფრენკ ლებოიფმა, საფრანგეთის ნაკრებში გრიზმანის მარსიალით ჩანაცვლების შესაძლებლობა განიხილა.

ESPN-თან საუბრისას მან განაცხადა:

"მართალია, რომ გრიზმანის ამჟამინდელი პრობლემებისა და ჟირუს ასაკის გამო, მარსიალს ნაკრების შემადგენლობაში გზა გაეხსნება."

ანტუანი უგოლოდ მოედანს უკვე 7 თამაშია ტოვებს, რაც მის კარიერაში ბოლო 6 წლის განმავლობაში, ყველაზე ცუდი შედეგია.

უკანასკნელად მან მეტოქის კარი "ნაპოლისთან" საჩემპიონთალიგო დაპირისპირებაში დალაშქრა.

რაც შეეხება მის ბოლო ასისტს, გრიზმანმა საგოლე გადაცემის გაკეთება ჯერ კიდევ ერნესტო ვალვერდეს დროს, 7 დეკემბერს, "მალიორკასთან" მოახერხა.

29 წლის ფეხბურთელი "ბარსამ" "ატლეტიკოდან" 120 მილიონ ევროდ შეიძინა, ფრანგს მიმდინარე სეზონში მხოლოდ 1 მატჩი აქვს გამოტოვებული. მის ანგარიშზე 14 გოლი და 4 ასისტია.