UEFA "ბარსელონას" "კამპ ნოუზე" სათამაშოდ ნებას დართავს
პარასკევს, 10 ივლისს, UEFA მერვედფინალების დარჩენილი მატჩების გამართვასთან დაკავშირებით, საბოლოო გადაწყვეტილებას გამოაცხადებს.
Diario AS-ის ინფორმაციით, "ბარსას" ნაპოლისთან განმეორებითი მატჩის "კამპ ნოუზე" ჩასატარებლად ნებას დართავენ.
განსხვავებული ვერსიით, დარჩენილი 4 თამაში, შესაძლოა, პორტუგალიის რომელიმე ქალაქში გაიმართოს.
"მანჩესტერ სიტისა" და "ბარსელონას" განმეორებითი მატჩების გამართვა საკუთარ სტადიონებზე სურდათ და ამისათვის ევროპული ფეხბურთის მმართველ ორგანოს თხოვნითაც მიმართეს.
მერვედფინალები საბოლოოდ 7 და 8 აგვისტოს დასრულდება. მეოთხედფინალები კი 12 აგვისტოდან, ლისაბონში გაიმართება.
შეგახსენებთ, რომ "ნაპოლისთან" პირველ შეხვედრაში, "სტადიო სან-პაოლოზე" საყაიმო ანგარიში, 1-1 დაფიქსირდა. კატალონიელების მხრიდან გოლი ანტუან გრიზმანმა გაიტანა.
ამ სიახლეზე კომენტარები გათიშულია.
კომენტარები [ 9 ]