AS: "ბარსას" ორმა ფეხბურთელმა გასახდელი დაცალა
დღეიდან, "ბარსელონას" ფეხბურთელებისთვის დასვენება იწყება. ისინი მომდევნო სეზონისთვის მზადებას 3 კვირაში განაახლებენ.
როგორც მოსალოდნელია, იმ მოთამაშეთა ნაწილი, რომლებმაც გუშინ "ბაიერნთან" მარცხში მონაწილეობა მიიღეს, გუნდს აღარ დაუბრუნდება. AS-ის ინფორმაციით, ორმა ფეხბურთელმა ბარგი უკვე ჩაალაგა - ივან რაკიტიჩმა და მარტინ ბრეითუეიტმა გასახდელში თავიანთი ადგილები გააცარიელეს.
რაკიტიჩს, ბოლო პერიოდში, "სევილიასა" და ლონდონის "არსენალს" უკავშირებდნენ. ხორვატმა ნახევარმცველმა "ბარსელონაში" 6 სეზონი გაატარა და "ბლაუგრანას" მაისურით 310-ჯერ ითამაშა.
ბრეითუეიტი, რომელიც გუნდს სულ 6 თვის წინ შეუერთდა და 11 მატჩი ჩაატარა, სავარაუდოდ, კარიერას პრემიერ ლიგაში გააგრძელებს. მისი ტრანსფერით "ვესტ ჰემი" და "ევერტონი" ინტერესდებიან.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 13 ]