4 ფეხბურთელი, რომელიც “ბარსამ“ აუცილებლად უნდა შეიძინოს
გუშინდელმა შეხვედრამ დაგვანახა, რომ შემადგენლობაში ცვლილებები აუცილებელია.
გუნდი გადაბერებულია. საშუალო ასაკი მეოთხედფინალურ შეხვედრაში 30 წელზე მეტი იყო.
შესაბამისად, შეგვიძლია ის 4 ფეხბურთელი გამოვყოთ, რომელთა დამატებაც “ბარსელონასთვის“ აუცილებელიც კი არის.
ლაუტარო მარტინესი
გუნდს სჭირდება ისეთი თავდამსხმელი, რომელიც აქტიური იქნება, როგორც საჯარიმოში ასევე მოედნის სხვა ნაწილშიც. შეძლებს მეტოქე გუნდის მცველებზე პრესინგს, რითაც საგოლე მომენტების რაოდენობას კიდევ უფრო გაზრდის.
ლუის სუარესი უკვე 33 წლისაა და უმაღლეს დონეზე თამაში სტაბილურად აღარ შეუძლია, მისი შემცვლელის მოყვანა კი ამ ზაფხულის შემდეგ დაგვიანებული იქნება.
ერიკ გარსია
ესპანელმა მცველმა “მანჩესტერ სიტისთან“ კონტრაქტის გაგრძელებაზე უარი განაცხადა. ახალგაზრდა მოთამაშის კანდიდატურა, პიკეს შემცვლელად, “ბარსასთვის“ მისაღებ ვარიანტად შეიძლება ჩაითვალოს.
ხოსე გაია
იმის გათვალისწინებით, თუ რას აკეთებს უკანასკნელ სეზონებში ჟორდი ალბა, მისი შემცვლელი გუნდს ნამდვილად სჭირდება.
მარცხენა ფლანგზე სწრაფად ჩარბენა და ლეო მესისკენ გადაცემის გაკეთება ერთადერთი ფუნქციაა, რასაც ალბა აკეთებს.
“ვალენსიელი“ ფეხბურთელი კი შესანიშნავი ვარიანტია.
ამას ლუის ენრიკეც ამტკიცებს, რომელმაც ეროვნულ ნაკრებში ძირითადი მცველობა სწორედ გაიას გადააბარა.
ჟოაო კანსელუ
პეპ გვარდიოლა ნელსონ სემედუთი აქტიურადაა დაინტერესებული. “ბარსასთვის“ პორტუგალიელი მარჯვენა მცველების ბარტერი, შესაძლოა, მომგებიანი აღმოჩნდეს, რადგან კანსელუს გამოცდილება როგორც სერია ა-ში, ასევე ლა ლიგაში აქვს.
ამ სიახლეზე კომენტარები გათიშულია.
კომენტარები [ 12 ]