ჟოან გასპარი: კიკე სეტიენი დამნაშავე არაა
"ბარსელონას" ყოფილი პრეზიდენტი ჟოან გასპარი კატალონიურ კლუბში შექმნილ სიტუაციაში გუნდის მთავარი მწვრთნელს, კიკე სეტიენს არ ადანაუშაულებს.
"ბარსელონა" ჩემპიონთა ლიგის 1/4-ფინალში "ბაიერნთან" განადგურდა, რამაც დიდი უკმაყოფილება გამოიწვია. ივარაუდება, რომ სეტიენი "ბლაუგრანას" მალე დატოვებს.
"კიკე სეტიენი დამნაშავე არაა. მწვრთნელი მოვიდა და არსებული რესურსებით თავის თავს ეძებდა. ფანებს ერნესტო ვალვერდეს წასვლა სურდათ, მაგრამ, ამ შემთხვევაში, სეტიენი დამნაშავე არაა", - ციტირებს გასპარის სიტყვებს Marca.
61 წლის სპეციალისტმა "ბარსა" იანვარში მთავარი მწვრთნელის პოსტიდან ერნესტო ვალვერდეს გათავისუფლების შემდეგ ჩაიბარა. კატალონიელებმა სეტიენის ხელმძღვანელობით 16 თამაში მოიგეს, 4 ფრედ დაასრულეს, 5 კი წააგეს. გუნდმა 50 გოლი გაიტანა, 27 კი გაუშვა. "ბლაუგრანამ" ბოლო 12 წლის განმავლობაში სეზონი უტიტულოდ პირველად დაასრულა.
ამ სიახლეზე კომენტარები გათიშულია.
კომენტარები [ 12 ]