"აიაქსი" ლუის სუარესის მიწვევას აპირებს

ურუგვაული Polideportivo-ს მიერ გავრცელებული ინფორმაციის თანახმად, ამსტერდამის "აიაქსი" "ბარსელონას" თავდამსხმელს, ლუის სუარესს, უახლოეს დღეებში მიმზიდველ შეთავაზებას გაუკეთებს.

წყაროს ცნობით, "აიაქსის" სპორტული დირექტორი მარკ ოვერმარსი 33 წლის შემტევის დიდი თაყვანისმცემელია და იგი სუარესის დასაბრუნებლად უკვე მზადაა.

სუარესი ამსტერდამულ კლუბში 2007-2011 წლებში თამაშობდა. ლუისის მომდევნო კლუბი "ლივერპული" იყო, საიდანაც ის "ბარსელონაში" მოხვდა.

ურუგვაელმა მოთამაშემ "ბლაუგრანაში" 6 სეზონი გაატარა და 198 გოლით კლუბის ისტორიაში მე-3 საუკეთესო ბომბარდირი გახდა.

Transfermakrt-ის მიხედვით, ლუის სუარესის ღირებულება 28 მილიონ ევროს შეადგენს.