“ბარსელონადან“ პირველი წამსვლელი, შესაძლოა, ტოდიბო აღმოჩნდეს

Diario Sport-ის ინფორმაციით, ჟან-კლერ ტოდიბო, შესაძლოა, პირველი ფეხბურთელი გახდეს, რომელიც კლუბს დატოვებს.

მისი მისამართით განსაკუთრებულ ინტერესს მარსელის “ოლიმპიკი“ იჩენს.

მათი მთავარი მწვრთნელი, ანდრე ვილაშ-ბოაში, აღნიშნული ტრანსფერით პირადადაა დაინტერესებული.

“შალკეში“ იჯარით გატარებული ნახევარი სეზონის შემდეგ, ტოდიბოს სრულფასოვანი ტრანსფერი საკმაოდ რეალური ხდება.

20 წლის მოთამაშე “ბარსას“ “ტულუზიდან“ 1 მილიონი ევროს სანაცვლოდ შეუერთდა და პირველი გუნდის რიგებში მხოლოდ 5 მატჩის ჩატარება შეძლო.

ჟან-კლერს გასულ კვირას კორონავირუსი დაუდასტურდა და ამჟამად კარანტინში იმყოფება.