ბართომეუმ მესის 2 პირობა წაუყენა
დღეს გავრცელდა ინფორმაცია, რომლის თანახმადაც "ბარსელონას" პრეზიდენტი ჟოზეპ მარია ბართომეუ მზადაა თანამდებობა დატოვოს.
ინფორმაცია თავიდან TV3-მა გაავრცელა, მოგვიანებით კი იგივე სხვა გამოცემებმაც გააკეთეს.
კატალონიური ARA-ს ჟურნალისტი, ტონი პადილია დეტალურ ინფორმაციას ავრცელებს. მისი თქმით, მას შემდეგ, რაც მესიმ ბართომეუს ზარს არ უპასუხა, პრეზიდენტმა არგენტინელს შეტყობინება გაუგზავნა და აცნობა, რომ თუ ლეოს დასარჩენად საჭიროა, ის მზადაა გადადგეს, მაგრამ 2 პირობით: 1) მესიმ საჯაროდ უნდა თქვას, რომ პრობლემა ბართომეუა და მისი გადადგომის შემთხვევაში თავად დარჩება; 2) დირექტორთა ამჟამინდელმა საბჭომ საპრეზიდენტო ვადა ბოლომდე უნდა ჩაამთავროს.
სოციალურ ქსელში ბართომეუს ამ გადაწყვეტილებას უკვე მოჰყვა უარყოფითი გამოხმაურება. არაერთი ადამიანის აზრით, პრეზიდენტმა მთელი პასუხისმგებლობა მესიზე გადაიტანა და მასზე არსებული წნეხი გაზარდა.
ამ სიახლეზე კომენტარები გათიშულია.
კომენტარები [ 15 ]