"ინტერი" არტურო ვიდალის უფასოდ დამატებაში დარწმუნებულია

"ბარსელონას" ნახევარმცველი, არტურო ვიდალი ერთ-ერთი იმ მოთამაშეთაგანია, რომელსაც რონალდ კუმანმა კლუბიდან წასვლისკენ მიუთითა.

Gazzetta dello Sport-ის ინფორმაციით, მილანის "ინტერი" ამ მომენტისთვის, ჩილელ ფეხბურთელთან პირად კონტრაქტზე მოლაპარაკებებს აწარმოებს, მაგრამ ვიდალის მაღალი სახელფასო მოთხოვნები "ნერაძურისთვის" პრობლემას წარმოადგენს.

მიუხედავად ამისა, მილანელები ფიქრობენ, რომ მის მოთხოვნებს დააკმაყოფილებენ, თუ 33 წლის ნახევარმცველს უფასოდ გაიფორმებენ. უფრო მეტიც, ისინი დარწმუნებულები არიან, რომ "ბარსელონა" ვიდალთან კონტრაქტს გაწყვეტს.

Diario Sport-ის ინფორმაციით კი, "ბლაუგრანა" ჩილელის სანაცვლოდ მინიმუმ 10-15 მილიონი ევროს მიღებას ისურვებდა. არტურო ვიდალის შეძენით ასევე მისი ყოფილი კლუბი, ტურინის "იუვენტუსია" დაინტერესებული.