მირალემ პიანიჩის პრეზენტაციის თარიღი ცნობილია

"ბარსელონა" გუნდის ახალწვეულს, მირალემ პიანიჩს უახლოეს დღეებში წარადგენს.

RAC1-ის ჟურნალისტის, ჟერარ რომეროს ინფორმაციით, ბოსნიელი ნახევარმცველის პრეზენტაცია სამშაბათს, 15 სექტემბერს, გაიმართება. 30 წლის ფეხბურთელი პრესკონფერენციას გამართავს, კონტრაქტზე ხელს მოაწერს და "კამპ ნოუზე" ფოტოსესიას მოაწყობს.

კატალონიურმა კლუბმა მირალემ პიანიჩი "იუვენტუსიდან" 60 მილიონ ევროდ დაიმატა. ბონუსების სახით გათვალისწინებულია 5 მილიონი ევროც.