რამონ პლანესი: თავდამსხმელს ვეძებთ, მაგრამ...
"ბარსელონას" ტექნიკური მდივანი რამონ პლანესი ადასტურებს, რომ კატალონიური კლუბი თავდამსხმელის შეძენას აპირებს.
"გუნდის გაუმჯობესებაზე თვეებია ვმუშაობთ. ამაში ხარისხისა და გამოცდილების კომბინაციას ვგულისხმობ. "ბარსელონაში" თამაში ყველას არ შეუძლია. თავდამსხმელს ვეძებთ, მარგამ ეს სუარესის წასვლასთან დაკავშირებული არაა. კლუბი გამორჩეულ ტალანტებს ყოველთვის უნდა ეძებდეს".
პლანესმა ერიკ გარსიას შესაძლო ტრანსფერზეც ისაუბრა: "მართალია, რომ ვეძებთ ისეთ ფეხბურთელს, რომელიც დაცვაში დაგვეხმარება. გარსია შესანიშნავი მოთამაშეა, რომელიც "ბლაუგრანას" აღზრდილია. ერიკს "ბარსა" უყვარს, მაგრამ შეძლებს თუ არა ის ჩვენთან გადოსვლას, ეს სატრანსფერო ბაზარზეა დამოკიდებული. ჩვენი იდეა გუნდის გაახალგაზრდავებაა იმ ფეხბურთელებით, რომლებმაც კლუბს ძალიან ბევრი რამ მისცეს. გარსია ამ პროფილის მოთამაშეა", - ციტირებს რამონ პლანესის სიტყვებს Sport.
ამ სიახლეზე კომენტარები გათიშულია.
კომენტარები [ 3 ]