"ბარსელონა" 3 წლით ახალგაზრდავდება

"ბარსელონა" რომ გაახალგაზრდავების გზას ადგას, ეს შეუიარაღებელი თვალითაც კი კარგად ჩანს, მაგრამ რიცხვები ამ პროცესს კიდევ უფრო ნათლად დაგვანახებს.

მადრიდული As შეეცადა გაერკვია, რამდენად ახალგაზრდავდება "ბარსელონა" ჟოპეპ მარია ბართომეუს მიერ დაანონსებული რევოლუციის შემდეგ. გაირკვა, რომ ბოლო ოფიციალური მატჩის შემდეგ გუნდის სასტარტო შემადგენლობა დაახლოებით 3 წლით ახალგაზრდავდება, რაც ძალიან დიდი პროგრესია.

მიუნხენის "ბაიერნთან" ჩატარებული ავადსახსენებელი მატჩის დროს "ბარსელონას" სასტარტო შემადგენლობის საშუალო ასაკი 30 წელი იყო. იმ თერთმეტეულიდან გუნდი დატოვეს არტურო ვიდალმა (33 წელი), ლუის სუარესმა (33 წელი) და ნელსონ სემედუმ (26 წელი). სავარაუდოდ სასტარტო შემადგენლობიდან ამოვარდება სერხიო ბუსკეტსი (32 წელი).

As-ის ვარაუდით, ახალ სეზონში "ბარსას" ძირითადი თერთმეტეული ასეთი იქნება: ტერ შტეგენი (28), დესტი (19), პიკე (33), ლანგლე (25), ალბა (31), პიანიჩი (30), დე იონგი (23), გრიზმანი (29), კოუტინიო (28), ფატი (17), მესი (33).

ახალი თერთმეტეულის საშუალო ასაკი 26.9 წელი იქნება.