ბართომეუ თანამდებობის შენარჩუნებისთვის ბრძოლას აგრძელებს

როგორც ჩანს, ჟოზეპ მარია ბართომეუ, "ბარსელონას" პრეზიდენტის პოსტის იოლად დათმობას არ აპირებს.

RAC1-ის ცნობით, "ბარსელონას" ხელმძღვანელობამ კატალონიის მთავრობას, კერძოდ კი ვიცე-პრეზიდენტ პერე არაგონესს, ოფიციალური განცხადებით მიმართა, რომლითაც 1 ან 2 ნოემბერს გასამართი უნდობლობის კენჭისყრის გაუქმებას მოითხოვს.

საბაბს რეგიონში არსებული ეპიდსიტუაცია წარმოადგენს, თუმცა, კატალონიის ჯანდაცვის მინისტრის თქმით, შესაბამისი მოთხოვნების დაცვის შემთხვევაში, კენჭიყრის ჩატარება 1 ან 2 ნოემბერს შესაძლებელია.

როგორც კატალონიური გამოცემა წერს, იმ შემთხვევაში თუ აღნიშნული მოთხოვნა არ დაკმაყოფილდა, ბართომეუ, დირექტორთა საბჭოსთან ერთად, დღეს გადადგება. ამავე ინფორმაციას ავრცელებს Sport.