Mundo Deportivo: "ბარსელონა" სამსაჯო ბრიგადის საუბრის ჩანაწერს მოითხოვს

Mundo Deportivo-ს ინფორმაციით, "ბარსელონამ", შესაძლოა, ელ კლასიკოში მთავარ მსაჯსა და VAR-ის ოთახში მყოფ არბიტრს შორის მიმდინარე საუბრის ჩანაწერი მოითხოვოს.

მარტინეს მუნუერას გადაწყვეტილებას "ბლაუგრანელები" უსამართლოდ მიიჩნევენ და ვარაუდობენ, რომ პენალტის დანიშვნა სამეფო კლუბის მიმართ მიკერძოებამ განაპირობა. 

ამას გარდა, "ბარსამ" ისიც გამოიკვლია, რომ ჯარიმის ეპიზოდში ლაინსმენმა მთავარ მსაჯს რამოსზე ჯარიმისკენ მიანიშნა მანამ, სანამ ამ უკანასკნელს კლემან ლანგლე მოქაჩავდა.