ჯგუფური ეტაპის ბოლო 18 გასვლით შეხვედრაში "ბარსა" მხოლოდ ერთხელ დამარცხდა

კატალონიის "ბარსელონას" ჩემპიონთა ლიგის ჯგუფურ ეტაპზე მართლაც შესაშური სტატისტიკა აქვს, "ბლაუგრანამ" ცოტა ხნის წინ, სტუმრად "იუვენტუსი" დაამარცხა (2-0). 

Opta-ს ცნობით, კატალონიელები ლიგის ჯგუფური ეტაპის ბოლო 18 სტუმრად ჩატარებულ შეხვედრაში მხოლოდ ერთხელ დამარცხდნენ (11 გამარჯვება, 6 ფრე) ბოლო გუნდი, რომელთანაც "ბარსელონა" ლიგის ჯგუფურ ეტაპზე სტუმრად დამარცხდა, 2016 წელს, პეპ გვარდიოლას "მანჩესტერ სიტი" (1-3) იყო.