რატომ თამაშობს "ბარსელონა" "ატლეტიკოსთან" წინა სეზონის ფორმით?
დღეს "ბარსელონას" ძალიან მნიშვენლოვანი თამაში ელის - რონალდ კუმანის შეგიდები ლა ლიგის ჯერჯერობით საუკეთესო გუნდს, "ატლეტიკოს" სტუმრად დაუპირისპირდებიან.
ცნობილია, რომ "ბარსელონა" მოედანზე სათამაშოდ გასული სეზონის ფორმით გავა, რამაც ბევრი გულშემატკივრის გაოცება გამოიწვია. სინამდვილეში, ამაში გასაკვირი არაფერია.
გასულ სეზონში "ბარსას" ისტორიაში პირველად მოხდა, რომ გუნდს მე-4 ფორმაც ჰქონდა. ფორმა კატალონიის დროშას მაქსიმალურადაა მიმსგავსებული. ფორმის სახელიც კატალონიის დროშის სახელს ემთხვევა - Senyera.
ეს ფორმა განსაკუთრებული მატჩებისთვის შეიქმნა. მისი პრეზენტაციის დროს ასეთ თამაშად კი "ატელტიკოსთან" სტუმრად გასამართი დაპირისპირება დასახელდა. მართლაც, გასულ სეზონში "ბარსამ" "ვანდა მეტროპოლიტანოზე" ამ ფორმით ითამაშა და მოიგო კიდეც.
მიმდინარე სეზონის დასაწყისში ცნობილი გახდა, რომ "ბარსას" მე-4 ფორმა უცვლელი რჩებოდა და იმ დროიდან მოყოლებული მოსალოდნელი იყო, რომ "ბლაუგრანა" დღევანდელ შეხვედრაში "სენიერათი" ითამაშებდა.
ამ სიახლეზე კომენტარები გათიშულია.
კომენტარები [ 5 ]