ერთი ცენტრალური მცველით კიევის "დინამოსთან": "ბარსელონას" საკადრო დანაკლისი
"ვანდა მეტროპოლიტანოზე" გუშინ გამართული მატჩი "ბარსელონასთვის" წაგების გარდა დიდი საკადრო დანაკლისითაც დასრულდა. გუნდს სერჟი რობერტო და ჟერარ პიკე გამოაკლდნენ - ამ უკანასკნელმა, შესაძლოა, მთელი დარჩენილი სეზონი გამოტოვოს.
ეს იმას ნიშნავს, რომ რონალდ კუმანის განკარგულებაში მომდევნო მატჩისთვის (ზეგ, კიევის "დინამოს" წინააღმდეგ), დიდი ალბათობით, ერთადერთი ცენტრალური მცველი იქნება. ეს კლემან ლანგლეა.
პიკეს მსგავსად ტრავმა აქვს სამუელ უმტიტისაც, რომლის გამოჯანმრთელების თარიღი გაურკვეველია, რონალდ არაუხო კი მატჩამდე დაბრუნების თეორიულ შანსს ინარჩუნებს. ცნობილი ჟურნალისტის, ხავი მიგელის ინფორმაციით, არაუხო განაცხადში ვერ მოხვდება.
სერხიო ბუსკეტსი - ფეხბურთელი, რომელსაც ასეთ სიტუაციაში მცველობის შეთავსება შეუძლია - ასევე ტრავმირებულია და "დინამოსთან" ვერ ითამაშებს.
ჩემპიონთა ლიგისთვის "ბარსელონას" განაცხადში სარეზერვო გუნდის მცველი, ოსკარ მინგესაც ირიცხება, რომელსაც ძირითად გუნდში თამაშის პრაქტიკა არ აქვს.
ამ სიახლეზე კომენტარები გათიშულია.
კომენტარები [ 6 ]