"ბარსელონას" ლიგაზე მესის გარეშე მოგება არ უჭირს

დღეს ცნობილი გახდა, რომ რონალდ კუმანი ლეო მესის დასვენების საშუალებას აძლევს და მსოფლიოს საუკეთესო ფეხბურთელი ხვალ კიევის "დინამოსთან" არ ითამაშებს.

სპორტული სტატისტიკის მწარმოებელი კომპანია Opta გვაუწყებს, რომ "ბარსას" ჩემპიონთა ლიგაზე მესის გარეშე თამაში არ უჭირს. 2008/09 წლების შემდეგ, ანუ როდესაც ლეო გუნდის ლიდერად იქცა, მის გარეშე ჩატარებული 14 შეხვედრიდან კატალონიელებმა 10 მოიგეს, რაც 71.4% უდრის.

საინტერესოა, რომ მესისთან ერთად "ბარსამ" უფრო ნაკლები, თამაშების 61.6% მოიგო (77 თამაში 125-დან).

ამ სტატისტიკას მარტივი და ლოგიკური ახსნა აქვს - მესი სუსტ გუნდებთან ისვენებს.