რონალდ კუმანი "დინამოსთან" მატჩის შემდეგ
"ბარსელონას" მთავარმა მწვრთნელმა რონალდ კუმანმა კიევის "დინამოსთან" შეხვედრის (0-4) შემდეგ საინტერესო საკითხებზე ისაუბრა.
მიზანს მივაღწიეთ - კარგი შედეგი დავაფიქსირეთ და ჩემპიონთა ლიგის 1/8-ფინალში გავედით. გუნდმა ენერგიულობა გამოავლინა. პირველ ტაიმში ეფექტურობა გვაკლდა, მაგრამ მეორე ნახევარში სიტუაცია გამოვასწორეთ. შეგვიძლია, ძალიან ბედნიერები ვიყოთ.
"დინამოსთან" ტაქტიკურად პირველ მატჩში უკეთ გამოვიყურებოდით, განსაკუთრებით ნახევარდაცვაში. ახლა მაღალი ინტენსივობითა და კონცენტრაციით ვთამაშობდით. პირველ შეხვედრაში ეს დაგვაკლდა.
ფეხბურთელები სათამაშო დროის მისაღებად ყოველდღე შრომობენ. დღეს მათ შანსი მიიღეს, რაც დაიმსახურეს.
მინგესამ დღეს აჩვენა, რომ მასზე დაყრდნობა შეგვიძლია. ის პირველ გუნდთან 5-6 კვირაა ვარჯიშობს. მან კარგი შთაბეჭდილება დატოვა და ბევრის მსგავსად დღეს სრულად ითამაშა.
დღევანდელი საერთო სურათი მომეწონა. ეს სწორედ ისაა, რაც გვინდა.
გრიზმანმა მონაწილეობა თითქმის ყველა შეხვედრაში მიიღო. მან დღეს ფიზიკური მიზეზების გამო მხოლოდ 30 წუთი ითამაშა.
ანტუანი გუნდისთვის და კლუბისთვის ყოველთვის ყველაფერს აკეთებს. სამწუხაროა, რომ მას არ უმართლებს, რათა უფრო მეტი გოლი გაიტანოს. ამის შესაცვლელად ერთადერთი გზა თავდაუზოგავი მუშაობაა. ის ცდილობს. დღეს მან გაიტანა.
დიდი შანსია, მინგესამ კვირასაც ითამაშოს.
ამ სიახლეზე კომენტარები გათიშულია.
კომენტარები [ 4 ]