Sport: "ბარსელონა" უმტიტის გაყიდვას აპირებს

"ბარსელონა" იანვარში გუნდის ცენტრალური მცველის, სამუელ უმტიტის გაშვებას გეგმავს. ამის შესახებ ინფორმაციას Sport ავრცელებს.

ცოტა ხნის წინ გავრცელდა ცნობები, რომ "ბლაუგრანას" მთავარ მწვრთნელს, რონალდ კუმანს დღეიდან უმტიტის იმედი აქვს, თუმცა, როგორც ჩანს, თავად კლუბი განსხვავებულ პოზიციას აფიქსირებს.

კატალონიელი ჟურნალისტები ვარაუდობენ, რომ ფრანგი ფეხბურთელი ზამთრის სატრანსფერო ფანჯრის გახსნამდე სათამაშო დროს მიიღებს და მას თავის გამოჩენის შანსები ექნება.

ივარაუდება, რომ 27 წლის მოთამაშე წასვლის წინააღმდეგი არ იქნება, თუ იგი ისეთ კლუბში მოხვდება, რომელსაც კარგი პროექტი აქვს. უმტიტი უპირატესობას 6 თვით იჯარით წასვლას მიანიჭებდა.

ცნობისთვის, სამუელ უმტიტიმ თამაშის ნებართვა დღეს მიიღო და იგი "იუვენტუსთან" მატჩის განაცხადშიც მოხვდა.