ვის მისცა ხმა მესიმ წლის საუკეთესო ფეხბურთელისა და მწვრთნელის ნომინაციებში?

ცოტა ხნის წინ FIFA-მ წლის საუკეთესო ფეხბურთელად რობერტ ლევანდოვსკი დაასახელა.

პოლონელი გოლეადორი კაკასა და ლუკა მოდრიჩის შემდეგ, მესამე ფეხბურთელი გახდა, რომელმაც რონალდუსა და მესის ეპოქაში წლის მთავარი ინდივიდუალური ჯილდოს მოპოვება შეძლო.

შედეგების გამოცხადების შემდეგ ცნობილი გახდა, თუ ვის მისცა ხმა ლეო მესიმ საუკეთესო ფეხბურთელის ნომინაციაზე.

1. ნეიმარი
2. კილიან მბაპე
3. რობერტ ლევანდოვსკი

რაც შეეხება საუკეთესო მწვრთნელის ნომინაციას, არგენტინელმა უპირატესობა "ბაიერნის" თავკაცს მიანიჭა:

1. ჰანს-დიტერ ფლიკი
2. მარსელო ბიელსა
3. ხულიენ ლოპეტეგი

ლიონელ მესის მხრიდან პსჟ-ს ვარსკვლავების პირველ ორ პოზიციაზე დაყენებამ, შესაძლოა მისი პარიზულ გრანდში გადასვლის ჭორები გაამძაფროს. ამაზე საუბარი ორიოდე კვირის წინ დაიწყო.