ილაიშ მორიბა შემდეგ კვირაში სარეზერვო გუნდში დაწინაურდება

"ლა მასიას" ტალანტი, ილაიშ მორიბა შემდეგ კვირაში, "ჟუვენილ A"-დან "ბარსელონა ბ"-ში ოფიციალურად დაწინაურდება, იტყობინება Cadena SER.

მიუხედავად იმისა, რომ მორიბა ფორმალურად 19 წლამდელთა გუნდის წევრია, ის ამ სეზონში სარეზერვო გუნდში ვარჯიშობს და თამაშობს.

ჯერ-ჯერობით, 17 წლის მოთამაშეს რეზერვებში, 5 მატჩში, 410 წუთი აქვს ნათამაშები. ტერფის ტრავმის გამო მან 4 მატჩი გამოტოვა.

მასთან ერთად "ბარსა ბ"-მ სამჯერ მოიგო, ერთხელ ფრე ითამაშა და ერთი წააგო. მის გარეშე კი გუნდმა ერთი მოგება და ერთი მარცხი მიითვალა.

რონალდ კუმანმა "გრანადასთან" დღევანდელი მატჩისთვის ის განაცხადში პირველად შეიყვანა. ამ ეტაპისთვის მორიბა პირველ გუნდთან ივარჯიშებს.