ფრეიშამ საკუთარი გუნდის მიერ ორგანიზებულ კვლევაში, ხმებით ლაპორტას აჯობა

"ბარსას" პრეზიდენტობის ერთ-ერთმა კანდიდატმა, ტონი ფრეიშამ სოციალური ქსელების მეშვეობით, ბარსელონაში მცხოვრებ მხარდამჭერებს შორის კვლევა ჩაატარა.

დასკვნის თანახმად, გამოკითხვაში მონაწილეთა ხმების 42% ფრეიშას გუნდმა მიიღო. მე-2 პოზიციაზე გავიდა ჟოან ლაპორტა (32%), ხოლო მესამეზე - ვიქტორ ფონტი (17%). მონაწილეთა 9%-მა აზრის დაფიქსირებაზე უარი განაცხადა.

საინტერესოა, რომ Mundo Deportivo-ს მიერ ჩატარებულ კვლევას რადიკალურად განსხვავებული შედეგები მოჰყვა.

გამოკითხულთა 55.2% ხმას ლაპორტას აძლევს, 16,4% ფონტს, ხოლო 6,2% ფრეიშას.

შეგახსენებთ, რომ "ბლაუგრანაში" საპრეზიდენტო არჩევნები 7 მარტს ჩატარდება. პოსტისათვის ზემოხსენებული სამი კანდიდატი იბრძვის.