საპრეზიდენტო კანდიდატები აგუეროს გადმობირებას მესის გამო განიხილავენ

"ბარსელონას" საპრეზიდენტო კანდიდატები "მანჩესტერ სიტის" არგენტინელი ფორვარდის, სერხიო აგუეროს გადმობირებას კვლავ მნიშვნელოვნად თვლიან. მათი აზრით, აგუეროს ტრანსფერმა, რომელიც ზაფხულში თავისუფალი აგენტი ხდება, შესაძლოა, ხელი შეუწყოს ლიონელ მესის "კამპ ნოუზე" დარჩენას, ინფორმაციას The Athletic UK-ის ჟურნალისტი, დევიდ ორნშტეინი ავრცელებს. 

32 წლის აგუერო, რომელიც მესისთან ერთად არგენტინის ნაკრების ღირსებას იცავს (2006 წლიდან) "მანჩესტერ სიტიში" 2011 წლიდან თამაშობს (379 მატჩი, 256 გოლი), მიმდინარე სეზონში ტრავმების გამო არგენტინელმა მხოლოდ 9 შეხვედრა ჩაატარა.