"ბარსელონამ" მალკომის სანაცვლოდ დამატებით 10 მილიონი ევროს გადახდა მოუწია

დღეს პრესაში "ბარსელონას" ექს-მოთამაშის, მალკომ ოლივიერას ტრანსფერის ახალი დეტალები გავრცელდა. როგორც ცნობილი გახდა, კატალონიელებმა საკომისიოს სახით აგენტ, ხოსეპ მარია მინგელას დაახლოებით 10 მილიონი ევრო გადაუხადეს, ეს უკანასკნელი "ბარსელონას" სახელით "ბორდოსთან" მოლაპარაკებებს აწარმოებდა, იტყობინება Cadena SER.

"ბარსელონამ" ბრაზილიელი 2018 წელს "ბორდოდან" შეიძინა, მომდევნო სეზონში კი მალკომი სანკტ-პეტერბურგის "ზენიტში" გადავიდა. თავდაპირველად, ხელშეკრულების მიხედვით 1,5 მილიონი ევრო ჯილდოს სახით იყო გათვალისწინებული, იმ შემთხვევაში, თუ მინგელა ფეხბურთელის სხვა კლუბში გადასვლას შეუშლიდა ხელს. საბოლოოდ შუამავალმა მალკომის "ბარსაში" ტრანსფერის 20% მიიღო.