ბარსელონამ ოსასუნას სძლია | საუკეთესო მომენტები

ცოტა ხნის წინ დასრულდა ლა ლიგის 26-ე ტურის შეხვედრა, რომელშიც კატალონიის "ბარსელონამ", ძალების დაზოგვით, სტუმრად "ოსასუნა", ანგარიშით, 2-0 დაამარცხა.

მატჩში ანგარიში 30-ე წუთზე, ლიონელ მესის ბრწყინვალე საგოლე პასის შემდეგ, ჟორდი ალბამ მეკარისგან ახლო კუთხეში უძლიერესი დარტყმით გახსნა და "ბარსამ" პირველი ნახევარი მინიმალური სხვაობით მოიგო.

მეორე ტაიმში, "ელ სადარზე" მოვლენები მსგავსი სცენარით წარიმართა და საბოლოოდ, შეხვედრის ძირითადი დროის დასრულებამდე 7 წუთით ადრე, სერხიო ერერას კარი შეცვლაზე შემოსულმა 18 წლის "ლა მასიელმა", ილაიშ მორიბამ აიღო, არგენტინელმა ლეგენდამ კი მეორე ასისტი მიითვალა.