დიეგო სიმეონეს კომენტარი ელ კლასიკოზე
ლა ლიგის სატურნირო ცხრილის ამჟამინდელი ლიდერის, მადრიდის "ატლეტიკოს" მთავარმა მწვრთნელმა დიეგო სიმეონემ დღეს გასამართ "ელ კლასიკოსთან" დაკავშირებით კომენტარი გააკეთა.
რა თქმა უნდა, ამ მატჩს ვნახავთ. ეს მსოფლიო დონის შეხვედრაა, რომელსაც თვალს ყველა მიადევნებს. ერთმანეთს დაუპირისპირდება ორი ძლიერი გუნდი, რომლებმაც სეზონი ცუდად დაიწყეს, მაგრამ ახლა ისინი ძალიან კარგ ფორმაში იმყოფებიან.
"ელ კლასიკოს" შედეგი ჩვენთვის ბევრს არაფერს შეცვლის. ჩვენი მიზანია, შევეცადოთ "ბეტისის" დამარცხებას, რომელიც ბოლო დროს კარგად გამოიყურება.
- ციტირებს სიმეონეს სიტყვებს Mundo Deportivo.
ამ დროისთვის ესპანეთის ჩემპიონატში "ატლეტიკოს" 66 ქულა აქვს. მას 1 ქულით "ბარსელონა" ჩამორჩება, შემდეგ კი 63 ქულით "რეალი" მოდის.
"ბარსასა" და "რეალის" დაპირისპირება თბილისის დროით 23:00 საათზე დაიწყება.
ამ სიახლეზე კომენტარები გათიშულია.
კომენტარები [ 7 ]