ბარსელონა ვარჯიშს დაუბრუნდა [სურათები]

დღეს "ბარსელონას" პირველმა გუნდმა, "ვალენსიას" სტუმრად დამარცხების შემდეგ, აღდგენითი ვარჯიში გამართა.

დღევანდელ ვარჯიშზე იმ ფეხბურთელებმა, რომლებმაც გუშინდელი მატჩის სასტარტო შემადგენლობაში ითამაშეს, გარკვეული აღდგენითი სამუშაოები შეასრულეს, დანარჩენებმა კი ჩვეულებრივ ივარჯიშეს.

"ბლაუგრანას" მოთამაშეები ხვალ დაისვენებენ. გუნდი მომდევნო ვარჯიშს ოთხშაბათს გამართავს და "ატლეტიკოსთან" მნიშვნელოვანი შეხვედრისთვის მზადებას შეუდგება.

"ბარსელონასა" და "ატლეტიკოს" დაპირისპირება შაბათს თბილისის დროით 18 საათსა და 15 წუთზე გაიმართება.