ემერსონმა ბარსელონში სახლი იყიდა - SER

ბრაზილიელი მარჯვენა მცველი ემერსონი კარიერას "ბარსელონაში" გააგრძელებს. ამის შესახებ ინფორმაციას Cadena SER ავრცელებს.

ემერსონი ამჟამად "ბეტისში" თამაშობს, მაგრამ მისი უფლებების ნაწილი "ბარსას" ეკუთვნის. წყაროს ცნობით, 22 წლის ფეხბურთელი პრესეზონს "ბლაუგრანასთან" ერთად გაატარებს, რის შემდეგაც იგი კატალონიურ გუნდში დარჩება. მან ბარსელონაში სახლი უკვე შეიძინა.

იგივე წყარო იტყობინება, რომ "ბარსელონა" ემერსონის ტრანსფერს ამ თვის ბოლომდე დააანონსებს. კატალონიური კლუბს ბრაზილიელის დამატების შემთხვევაში "ბეტისისთვის" 9 მილიონი ევროს გადახდა მოუწევს.

ემერსონმა მიმდინარე სეზონში მონაწილეობა 37 თამაშში მიიღო, 1 გოლი გაიტანა და 4 შედეგიანი გადაცემა გააკეთა.