სერხიო ბუსკეტსი "ბაიერნში"?

"ბარსელონას" საყრდენმა ნახევარმცველმა, სერხიო ბუსკეტსმა ზაფხულში, შესაძლოა, კატალონიური კლუბი დატოვოს.

როგორც ესპანური გამოცემა As იტყობინება, 32 წლის ფეხბურთელი, შესაძლოა, მიუნხენის "ბაიერნს" უფასოდ შეუერთდეს. "ბარსაში" ფიქრობდნენ, რომ ბუსკეტსი კარიერას ლურჯ-ბროწეულისფერი მაისურით დაასრულებდა, თუმცა რთული ფინანსური ვითარების გამო ხელმძღვანელობა იძულებული გახდა ის შესაძლო წამსვლელთა სიაში შეეყვანა.

ბუსკეტსმა პროფესიონალური კარიერა "ბარსელონაში", 2008 წელს დაიწყო და მას შემდეგ მან კლუბთან ერთად 32 ტიტული მოიგო. ის ასევე მსოფლიოსა და ევროპის ჩემპიონია ესპანეთის ნაკრებში.