მორიბას წარმომადგენლებმა ხელმძღვანელობასთან შეხვედრა მოითხოვეს
"ბარსელონას" ახალგაზრდა ნახევარმცველის, ილაიშ მორიბას წარმომადგენლებმა კლუბის ხელმძღვანელობასთან კვირის ბოლომდე შეხვედრა მოითხოვეს. ამ ინფორმაციას Mundo Deportivo ავრცელებს.
ფეხბურთელი ხელშეკრულების გაფორმებამდე წინასასეზონო მომზადებას სარეზერვო გუნდთან ერთად გაივლის, რაც მის ინტერესებში არ შედის. MD-ის ცნობით, სწორედ ამიტომ, 18 წლის ნახევარმცველის აგენტებს სურთ, რომ ახალ კონტრაქტთან დაკავშირებით მოლაპარაკებები გამართონ.
წყარო იტყობინება, რომ ილაიშის წარმომადგენლები "ბარსას" ოფისში ერთხელ იყვნენ და კლუბის შეთავაზება ელექტრონული ფოსტის საშუალებით უარყვეს, ამასთან, მათ არანაირი მოთხოვნა არ გაუჟღერებიათ. თუმცა ახლა ისინი ახალი წინადადებების მოსასმენად მზად არიან.
მორიბა გასულ სეზონში პირველ გუნდში რონალდ კუმანმა დააწინაურა. "ბლაუგრანა" მასზე დიდ იმედებს ამყარებს.
ამ სიახლეზე კომენტარები გათიშულია.
კომენტარები [ 3 ]