ბაიერნი დესტითა და რობერტოთი ინტერესდება
მიუნხენის "ბაიერნს" "ბარსელონას" ორი მარჯვენა მცველიდან ერთ-ერთის დამატება სურს. ინფორმაციას Diario AS ავრცელებს.
სერჟინიო დესტისა და სერჟი რობერტოს გერმანული კლუბის რადარზე გამოჩენა მთავარ მწვრთნელის, იულიან ნაგელსმანის ინტერესს უკავშირდება, რომელსაც მიაჩნია, რომ "ბარსას" ფეხბურთელების გადაბირება გუნდის გაძლიერებაში დაეხმარება.
ეს პირველი შემთხვევა არაა, როცა "ბაიერნი" დესტის შეძენას ცდილობს, თუმცა ახალგაზრდა ამერიკელს წასვლის სურვილი არ აქვს და ახლო წარსულში უარი არაერთ შემოთავაზებაზე თქვა.
რაც შეეხება რობერტოს - მის შემთხვევაში ბავარიელები იჯარას განიხილავენ, რომლის ამოწურვის შემდეგაც ფეხბურთელის ყიდვის უფლება ექნებათ.
"ბარსელონასთვის" რობერტოს დათმობა დიდი პრობლემა არ იქნება, რადგან 29 წლის უნივერსალის შენარჩუნება დიდ ხარჯებთანაა დაკავშირებული, მარჯვენა მცველის პოზიციაზე კი გუნდს დესტი და ემერსონი უკვე ჰყავს.
ამ სიახლეზე კომენტარები გათიშულია.
კომენტარები [ 10 ]