ფიგუ: "გვარდიოლა და მოურინიო–2 მნიშვნელოვანი ადამიანი ჩემს ცხოვრებაში"

კატალონიის "ბარსელონასა" და მადრიდის "რეალის" ყოფილმა ფეხბურთელმა, ლუიშ ფიგუმ, ისაბურა იმაზე, თუ რას წარმოადგენენ პეპ გვარდიოლა და ჟოზე მოურინიო მის ცხოვრებაში. იტყობინება გავლენიანი ესპანური გამოცემა "მარკა".

პორტუგალიელის განცხადებით, ორივე მათგანი თავის დროზე დაეხმარა მას: "გვარდიოლა ჩემთვის ძმასავითაა. იგი ერთ–ერთი ჩემი ქალიშვილის ნათლიაა. ის მე ძალიან დამეხმარა, როდესაც "ბარსელონაში" გადავგარგდი. ხოლო მოურინიომ მომცა შანსი, რომ კიდევ ერთი წლით მესიამოვნა ფეხბურთის თამაშით მილანის "ინტერში". სინამდვილეში მოურინიო შორსაა იმ ადამიანისგან, რომელსაც უყვარს პუბლიკაზე "თამაში", ის სინამდვილეში ძალიან კარგი პიროვნებაა". განაცხადა პორტგუალიის ნაკრების ყოფილმა კაპიტანმა, ლუიშ ფიგუმ.