RAC1: ბარსა თვლის, რომ ბრეითუეიტის გასაყიდად კარგი დროა
"ბარსელონას" ხელმძღვანელობა გუნდის დანიელი შემტევის, მარტინ ბრეითუეიტის, გაყიდვაზე მუშაობას, იტყობინება RAC1.
წარმატებული ევროპის ჩემპიონატისა და ლა ლიგის სადებიუტო შეხვედრის შემდეგ, კლუბში თვლიან, რომ "ბარსამ" მისი სარფიანად გაყიდვის შანსი ხელიდან არ გაუშვას. პრემიერ ლიგის რამდენიმე გუნდი, მათ შორის "ევერტონი", მზადაა, ბრეითუეიტში 15 მილიონი ევრო გადაიხადოს.
წასვლის შესაძლებლობას განიხილავს ფეხბურთელიც. მას ესმის, რომ ტრავმირებული შემტევების დაბრუნების შემდეგ, სათამაშო დროის მიღება ძალიან რთული იქნება. ამასთან, "ბლაუგრანაში' მას დაბალი ანაზღაურება აქვს და კლუბისგან ახალი კონტრაქტის მიღება გამორიცხულია, პრემიერ ლიგაში კი იგი გაუმჯობესებული ხელშეკრულების დადებას შეძლებს.
ორი გოლითა და ერთი საგოლე გადაცემით, 30 წლის ბრეითუეიტი "სოსიედადთან" მატჩის საუკეთესო ფეხბურთელად დასახელდა.
ამ სიახლეზე კომენტარები გათიშულია.
კომენტარები [ 7 ]