კოუტინიოს ნომრის ასარჩევად დრო ექნება

ფილიპე კოუტინიო "ატლეტიკთან" მატჩის განაცხადში ვერ მოხვდა, რას იმას ნიშნავს, რომ ის კიდევ მინიმუმ ერთი კვირით არ დაბრუნდება. ეს კი ბრაზილიელს სათამაშო ნომრის არჩევისთვის უფრო მეტ დროს მისცემს.

Mundo Deportivo-ს ინფორმაციით, შესაძლოა, 8, 14 და 23 ნომერი გახდეს თავისუფალი, რასაც მირალემ პიანიჩის, სამუელ უმტიტისა და რეი მანაის შესაძლო წასვლა გამოიწვევს. "ბარსელონას" სამივე მათგანის გასხვისება სურს.

ლიონელ მესის წასვლის შემდეგ, 10-ნომრიანი მაისურიც თავისუფალია, თუმცა, გავრცელებული ცნობებით, კოუტინიოს ზედმეტი პასუხისმგებლობის საკუთარ თავზე აღება არ სურს. ამასთან, კლუბის სურვილია, მიმდინარე სეზონში 10 ნომერი ხელშეუხებელი იყოს.