ოფიციალურად: ბარსელონამ სერხიო აგუერო და იუსუფ დემირი დაარეგისტრირა
"ბარსელონამ" გუნდის ახალწვეულები, სერხიო აგუერო და იუსუფ დემირი, ოფიციალურად გაიფორმა.
სერხიო ბუსკეტსისა და ჟორდი ალბას მიერ ხელფასების შემცირების შედეგად, კატალონიურმა კლუბმა აგუეროს ლა ლიგაში დარეგისტრირება შეძლო, თუმცა კუნი, ტრავმის გამო, მოედანზე გასვლას ნოემბრამდე ვერ შეძლებს. 33 წლის თავდამსხმელი "ბარსელონას" "მანჩესტერ სიტიდან" თავისუფალი აგენტის სტატუსით შეუერთდა.
ასევე, 18 წლის ავსტრიელი ფეხბურთელი "ბლაუგრანამ" პირველი გუნდის წევრად დაარეგისტრირა. იგი "ბარსამ" ვენის "რაპიდიდან" ერთწლიანი იჯარით სარეზერვო გუნდისთვის აიყვანა, თუმცა პრესეზონის დროს ნაჩვენები თამაშის შემდეგ, რონალდ კუმანმა დემირი ძირითად გუნდში დააწინაურა.
"ბარსელონა" სახელფასო ბიუჯეტის კიდევ უფრო შემცირებას ანტუან გრიზმანის "ატლეტიკოში" გაშვებით შეძლებს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 27 ]