კლემან ლანგლე: ეს რეაქცია ჩემს გრძნობებს არ ასახავს
"ბარსელონას" ფრანგმა ცენტრალურმა მცველმა, კლემან ლანგლემ ინსტაგრამზე მოზრდილი ტექსტი გამოაქვეყნა. 26 წლის ფეხბურთელი ინტერნეტსივრცეში გავრცელებულ რობერტ ლევანდოვსკისთან ერთად გადაღებულ ფოტოსურათს გამოეხმაურა, რომელმაც გულშემატკივრების გაღიზიანება გამოიწვია.
მინდა, გულშემატკივრებს მივმართო. პირველ რიგში, გუშინდელი შედეგის გამო ძალიან ვწუხვარ, ეს კლუბი მხოლოდ საუკეთესოს იმსახურებს და ჩვენ ამის გაკეთება ვერ შევძელით.
შემდეგ კი მინდა ავხსნა ფოტოსურათი, რომელშიც ლევანდოვსკისთან ერთად იმ ეპოზიდში ვიღიმი. ეს სპეციფიკური რეაქციაა და მატჩის შედეგის მიმართ ჩემს გრძნობებს არ ასახავს. ჩემი ღირებულებები უდავოა და ყველამ, ვინც მიცნობს, იცის ჩემი დამოკიდებულება ჩემი პროფესიის, "ბარსასა" და, განსაკუთრებით, მისი ქომაგების მიმართ. ასეთი რეაქცია არასდროს მექნებოდა იმაზე, რამაც გული ასე დამწყვიტა. დღეს მოწყენილები ვართ, თუმცა ჩვენ გვაქვს მისია: დავაბრუნოთ "ბარსა" იქ, სადაც მისი ადგილია.
- წერს ლანგლე.
ამ სიახლეზე კომენტარები გათიშულია.
კომენტარები [ 12 ]