ბარსას ულტიმატუმი დემბელეს - გაახანგრძლივე, ან იანვარში წადი

ჩვენ მკითხველს კარგად მოეხსენება, რომ უსმან დემბელეს "ბარსელონაში" დარჩენის შანსი მინიმალურია. კატალონიური კლუბი ფრანგის ხელფასის შემცირებას ითხოვს, უსმანი კი - მომატებას. ასეთ ვითარებაში შეთანხმება თითქმის გამორიცხულია.

დემბელეს "ბარსელონასთან" კონტრაქტი მიმდინარე სეზონის ბოლოს უმთავრდება, რაც იმას ნიშნავს, რომ მას სხვა კლუბებთან ოფიციალური მოლაპარაკებების წარმოების უფლება ზეგიდან ექნება, ზაფხულში კი ის "ბლაუგრანას" უფასოდ დატოვებს. ამის თავიდან ასაცილებლად კატალონიელებმა ფრანგის ზამთარში გაყიდვა გადაწყვიტეს.

ARA-ს მიერ გავრცელებული ინფორმაციით, "ბარსამ" დემბელეს 2 ვარიანტი შესთავაზა - კონტრაქტის გახანგრძლივება, ან გუნდიდან იანვარშივე წასვლა.