ბარსელონასა და ბარსელონას ახალწვეულების სტატისტიკა ატლეტიკოსთან

"ბარსელონა" ლა ლიგის მორიგ ტურში, 6 თებერვალს "ატლეტიკოს" დაუპირისპირდება.

Mundo Deportivo-ს ინფორმაციით, "ლურჯ-ბროწეულისფერებს" მადრიდელები 5 მატჩია, არ დაუმარცხებიათ - კატალონიელებმა დიეგო სიმეონეს გუნდს ბოლოს 2019 წელს, ლეო მესის ერთადერთი გოლის წყალობით მოუგეს, მას შემდეგ კი "ბარსას" მონაგარი 2 წაგება და 3 ფრეა.

ამასთან, რონალდ კუმანის ხელმძღვანელობით, "ბლაუგრანამ" "როხიბლანკოს" კარი ზედიზედ 3 შეხვედრაში ვერ აიღო.

რაც შეეხებათ კლუბის ახალწვეულებს - Sport-ის ცნობით, "ატლეტიკოს" წინააღმდეგ საუკეთესო მაჩვენებელი კატალონიელთა რიგებში დაბრუნებულ დანი ალვესს აქვს - ბრაზილიელის ანგარიშზე 31 მატჩში 18 გამარჯვება, 3 გოლი და 7 ასისტია.

ფერან ტორესს მადრიდელებთან ერთხელაც არ მოუგია, პიერ-ემერიკ ობამეიანგსა და ადამა ტრაორეს კი მათ წინააღმდეგ არასდროს უთამაშიათ.