არაუხოს ნაპოლისთან თამაში საეჭვოა - AS

"ბარსელონა" "ნაპოლის", შესაძლოა, დაცვის ერთ-ერთი ლიდერის, რონალდ არაუხოს გარეშე დაუპირისპირდეს.

ცოტა ხნის წინ "ბლაუგრანამ" ოფიციალურად დაადასტურა, რომ არაუხოს მარცხენა ქუსლის არეში დისკომფორტი აქვს, რის გამოც მან "ესპანიოლთან" თამაშის გაგრძელება ვერ შეძლო.

AS იტყობინება, რომ საქმე სერიოზულადაა და ურუგვაელი უკანახაზელის "ნაპოლის" წინააღმდეგ თამაში დიდი კითხვის ნიშნის ქვეშაა.

წყაროს ინფორმაციით, 22 წლის ფეხბურთელს დამატებითი სამედიცინო შემოწმება ხვალ ჩაუტარდება, მაგრამ მისი 3 დღეში "ნაპოლისთან" მატჩისთვის დაბრუნება ძალიან საეჭვოა.

"ბარსა" "ნაპოლის" ხუთშაბათს თბილისის დროით 21 საათსა და 45 წუთზე დაუპირისპირდება.