ასპილიკუეტამ ბარსელონასგან შეთავაზება მიიღო

"ბარსელონამ" "ჩელსის" მცველს, სესარ ასპილიკუეტას შეთავაზება გაუკეთა. ამ ინფორმაციას იტალიელი ჟურნალისტი მატეო მორეტო ავრცელებს.

წყაროს ცნობით, ასპილიკუეტამ "ბარსასგან" კონტრაქტის სახით 2+1 წლიანი შეთავაზება მიიღო.

32 წლის ფეხბურთელმა ჯერ "ჩელსისთან" უნდა მოილაპარაკოს და საბოლოო გადაწყვეტილება მიიღოს. ესპანელი გადაწყვეტილებას, სავარაუდოდ, მარტში ან აპრილში მიიღებს.

იგივე წყარო იტყობინება, რომ, თუ ასპილიკუეტას ""ლურჯების"" დატოვება უნდა, ლონდონურ კლუბს ამასთან არანაირი პრობლემა არ აქვს.

ცნობისთვის, ასპილიკუეტას "ჩელსისთან" მოქმედი ხელშეკრულების ვადა ზაფხულში ეწურება.