ნაპოლი-ბარსა - შემადგენლობა და პროგნოზი ქართველი გულშემატკივრების ვერსიით

ჩვენი საიტი მომხმარებლებს საშუალებას აძლევს, ყოველი თამაშის წინ მწვრთნელის როლი მოირგონ და სასურველი შემადგენლობა დააყენონ.

დღევანდელ გამოკითხვაში მომხმარებლების 95%-მა უპირატესობა 4-3-3 წყობას მიანიჭა.

გულშემატკივრებმა ერთხმად აირჩიეს ტერ შტეგენი (99%), დესტი (95%), პიკე (97%), არაუხო (99%), ალბა (99%) და ობამეიანგი (97%). შემადგენლობაში მოხვედრილთაგან ყველაზე ცოტა, 64% ფრენკი დე იონგმა მიიღო.

გთავაზობთ ჩვენი მომხმარებლების მიერ "ნაპოლისთან" დღევანდელი მატჩისთვის შედგენილ სასტარტო შემადგენლობას:

ტერ შტეგენი - დესტი, არაუხო, პიკე, ალბა - ბუსკეტსი, ფ. დე იონგი, პედრი - ტრაორე, ობამეიანგი, დემბელე.

რაც შეეხება პროგნოზს - მომხმარებელთა უმეტესობა მიიჩნევს, რომ "ბარსელონა" ანგარიშით 2-1 მოიგებს.

თამაშის დასრულებისთანავე ჩვენს მომხმარებლებს საშუალება ექნებათ, "ბარსელონა", მისი მწვრთნელი და თითოეული ფეხბურთელის თამაში შეაფასონ.