ჰოლანდი ბარსელონას ერთ მოთხოვნას უყენებს
როგორც ჩანს, ზაფხულის მთავარი სატრანსფერო საგა ერლინგ ჰოლანდი იქნება. ახალგაზრდა ნორვეგიელს 3 კლუბს უკავშირებენ - "ბარსას", "რეალსა" და "მანჩესტერ სიტის".
ამ სამეულს შორის აუტსაიდერად "ბარსა" ითვლება, მაგრამ ამის მიზეზი ფინანსური მხარეა. როდესაც საქმე ფეხბურთელის სურვილზე მიდგება, თუ რომელიმე წყარო ჰოლანდის პრიორიტეტზე საუბრობს, ყველა "ბარსელონაზე" მიანიშნებს.
ცნობილია, რომ ჟოან ლაპორტა ჰოლანდის აგენტს, ხოლო ჩავი ერნანდესი თავად ფეხბურთელს შეხვდა. კატალონიელთა ორივე წარმომადგენელი აცხადებს, რომ არ არსებობს ფეხბურთელი, რომელიც "ბარსელონაში" თამაშზე უარს იტყვის. ეს ნიშნავს, რომ ჰოლანდს "ბარსელონასთვის" უარი არ უთქვამს.
Mundo Deportivo-ს ცნობით ჰოლანდს "ბლაუგრანაში" თამაში კი უნდა, მაგრამ მას ერთი პირობა აქვს. ნორვეგიელს სურს, კატალონიელებთან ხანმოკლე კონტრაქტი გააფორმოს. მისი მიზანია, როდესაც "ბარსელონა" ფინანსურად ისევ მოძლიერდება, ხელშეკრულების პირობები გადაიხედოს. თუ ეს სიმართლეა, გამოდის, რომ ერლინგი მზადაა, მომდევნო სეზონში "ბარსელონაში" უფრო ცუდი ეკონომიკური პირობებით ითამაშოს, ვიდრე მას სხვა კლუბები სთავაზობენ.
ამ სიახლეზე კომენტარები გათიშულია.
კომენტარები [ 11 ]