ჩავი გალათასარაისთან რამდენიმე ლიდერს დაასვენებს | MD

დღეს "ბარსელონას" მნიშვნელოვანი თამაში ელის. კატალონიური გუნდი ევროპა ლიგაზე "გალათასარაის" უმასპინძლებს.

იმის მიუხედავად, რომ თამაში მნიშვნელოვანია როგორც სპორტული, ასევე ფინანსური კუთხით, Mundo Deportivo-ს ცნობით ჩავი მაინც შემადგენლობის გადახალისებას გეგმავს. ამის მიზეზი, შესაძლოა, მეტოქის სისუსტე და ძალიან ცუდ ფორმაში ყოფნა იყოს.

ცნობილია, რომ "ბარსას" გავი და დანი ალვესი ვერ დაეხმარებიან. ბრაზილიელი ევროპის ლიგის განაცხადში ვერ მოხვდა, ესპანელი კი დისკვალიფიცირებულია.

კატალონიელი ჟურნალისტების ცნობით ჩავი "ელჩესთან" კვირას გამართული შეხვედრის შემდეგ სასტარტო შემადგენლობაში რამდენიმე ცვლილებას განახორციელებს. ალვესის ნაცვლად დესტს ვიხილავთ, პიკეს ნაცვლად გარსიას, ბუსკეტსის ნაცვლად ნიკოს, გავის ნაცვლად დეპაის და დემბელეს ნაცვლად ტრაორეს.

შედეგად ასეთი შემადგენლობაა მოსალოდნელი: ტერ შტეგენი, დესტი, არაუხო, გარსია, ალბა, ნიკო, ფ. დე იონგი, პედრი, ტრაორე, ტორესი, დეპაი.