ჩავი ერნანდესი გალათასარაისთან მატჩის შემდეგ
"ბარსელონას" მთავარმა მწვრთნელმა, ჩავი ერნანდესმა "გალათასარაისთან" თამაშის (0-0) შემდეგ მედიასთან კომენტარი გააკეთა:
ეს კარგი შედეგი არაა. როდესაც ინტენსივობას ამცირებ, სწორედ ამას იღებ. მეორე ტაიმში მოვუმატეთ, ვცდილობდით, თუმცა შესანიშნავ დაცვასა და ინიაკის შევეჯახეთ, რომელიც გასაოცარი იყო. ჩვენ შევხვდით მეტოქეს, რომელიც დაცვაში ბრწყინვალედ იყო მომზადებული, მათი ცენტრალური მცველები და ინიაკი ძალიან კარგები იყვნენ.
ჩვენს თამაშს კარგი არავითარ შემთხვევაში არ ეთქმის, თუმცა, ვფიქრობ, უნდა მოგვეგო.
შეტევაში იდეები გვაკლდა და ბოლო პასის გაკეთებაში მოვიკოჭლებდით.
შედეგით გაბრაზებული ვარ, მაგრამ ზოგჯერ ასეც ხდება. ფრე ფეხბურთის ნაწილია.
არ ვფიქრობ, რომ ეს უკანგადადგმული ნაბიჯია, არც დადებითია, უბრალოდ ნაბიჯია. მსგავს თამაშებში სწრაფად უნდს გაიტანო. ეს ბევრჯერ გამომიცდია.
"ნაპოლისთანაც" მსგავსი რამ მოხდა. ვნახოთ, რა იქნება თურქეთში. ჩვენ მოსაგებად ყველაფერს გავაკეთებთ.
ინიაკი პენიასთან დაკავშირებით იდეა მისი იჯარით გაშვება და შემდეგ დაბრუნება იყო და ეს იდეა არ შეცვლილა. მას წასვლის სიმამაცე ეყო და მის გამო ბედნიერი ვარ, მიუხედავად იმისა, რომ ღამე გაგვიმწარა.
არაუხოს ბურთთან თამაშის დახვეწა სჭირდება. მას უნდა ესმოდეს, რომ, როდესაც ბურთი აქვს, იქამდე უნდს იაროს წინ თავისუფალი თანაგუნდელის მოსაძებნად, სანამ მეტოქე არ მიუახლოვდება. ეს ჩვევები პროცესის შედეგად გამომუშავდება.
ამ სიახლეზე კომენტარები გათიშულია.
კომენტარები [ 12 ]